Pavlodar oblysy ákimi orynbasaryna taǵylǵan «qyz zorlaý» aıyby dáleldendi me

ASTANA. KAZINFORM – Pavlodar oblysy ákiminiń orynbasary Serik Batyrǵujınovtyń «qyz zorlaý» faktisi dáleldengen joq. Bul týraly Іshki ister mınıstri Erjan Sádenov aıtty.

Májilistiń jalpy otyrysynan keıin BAQ ókilderi mınıstrden Pavlodar oblysy ákiminiń ústinen qozǵalǵan iske qatysty saýal qoıǵan edi.

«Qazirgi ýaqytta is sotta. Sondyqtan pikir bildirý artyq bolar. Sot anyqtaıdy», - dep jaýap berdi Erjan Sádenov.

Osy oraıda tilshiler oblys ákiminiń orynbasaryna «qyz zorlaý» aıyby taǵylyp otyr ma?» dep suraǵan bolatyn.

«Shyndyǵynda da zorlaý faktisi boıynsha shaǵym boldy. Biz is qozǵadyq, tekserdik. Anyqtalǵan joq. Sondyqtan isti qysqarttyq», - dep naqtylady Erjan Sádenov.