Pavlodar qalasynyń kóp bóligi sýsyz otyr

PAVLODAR. KAZINFORM — Sý júıesindegi sorǵy stansasynda aqaý shyǵyp, sý berý jumystary shektelgen. Jaýapty mekeme apatty joıý sharalaryn atqaryp jatyr.

Búgin túske qaraı Pavlodar qalasynyń kóp bóliginde sý joǵalyp ketti.

Onsyz da aptap ystyqta qapyryq páterde kúıip otyrǵan turǵyndar 109 operatoryna habarlasyp, aýyzsýdyń joqtyǵyna jappaı shaǵymdanyp jatyr.

«Aýyzsýdy kóteretin alǵashqy sorǵy stansasyn elektrmen jabdyqtaý júıesinde aqaý shyǵyp, qondyrǵylar toqtap qaldy. Saldarynan aýyzsý qysymy tómendep, qalanyń kóp bóligine sý jetpeýde. „Pavlodar Vodokanal“ JShS sorǵy jabdyqtaryn qaıta qosýmen shuǵyldanyp jatyr. Keshke deıin sýmen qamtý tolyqqandy jumys isteı bastaýy kerek», dep habarlady Pavlodar qalasy ákimdiginen.

Buǵan deıin Pavlodar men Ekibastuzda aýyzsýǵa qosylatyn hlordyń ne sebepti kóbeıtilgenin jazǵan edik.