Pavel Dýrov Býrabaıǵa demalýǵa keldi
ASTANA. KAZINFORM – Telegram messendjeriniń negizin qalaýshy, kásipker Pavel Dýrov Qazaqstanǵa qaıta oraldy.
«Ótken jolǵy saparynyń maqsaty – jumys babymen baılanysty boldy. Ol Býrabaıdan bólek, Astanada ártúrli obektilerge, atap aıtqanda bizdiń mınıstrlikke, Astana halyqaralyq qarjy ortalyǵyna, Astana Hub taǵy basqa uıymdarǵa bardy. Almatyda da boldy. Bul joly demalý maqsatymen qaıta oraldy, oǵan Býrabaı óte unady», - dep túsindirdi Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev tilshiniń saýalyna jaýap bere turyp.
Eske sala keteıik, bıyl 27 maýsymda kásipker, baǵdarlamalaýshy jáne Telegram messendjeriniń negizin qalaýshy Pavel Dýrov Astanaǵa keldi. Áleýmettik jelide P.Dýrovtyń Astana Hub halyqaralyq IT-startaptar tehnoparkine barǵany týraly vıdeo taraǵan edi.
Keıin Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev Pavel Dýrovtyń Astanaǵa saparyna qatysty pikir bildirdi.
Sondaı-aq, Pavel Dýrov elimizdiń tabıǵatyna tamsanyp, sulýlyǵynan ambıtsııasy ǵana asyp túsedi degen jazba qaldyryp Qazaqstanǵa saparynan alǵan áserin bólisti.
