Páter jaldaǵanda alaıaqtarǵa urynbaýdyń birneshe joly bar

ALMATY. QazAqparat – Eń aldymen, saıttaǵy habarlandyrýlardy qaraý kezinde óte muqııat bolý kerek. Qazaqstan rıeltorlar qaýymdastyǵynyń mamany Nına Lýkıanenko alaıaqtardyń qandaı shemalardy jıi qoldanatynyn aıtyp berdi, dep habarlaıdy QazAqparat tilshisi.

«Saıtta ornalastyrylǵan páterdiń sýreti tartymdy jáne baǵasy kóńilge qonymdy bolsa, onda bul birinshi kezekte alańdaýshylyq týǵyzýy tıis. Sebebi, alaıaqtardyń kópshiligi jarnamaǵa ádemi fotosýretter jarııalap, tómen baǵa usynady. Ekinshiden, jyljymaıtyn múlikti tekserip almaı, eshkimge aqsha jiberýge bolmaıdy», - dedi Qazaqstan rıeltorlarynyń ózin-ózi retteıtin qaýymdastyǵy prezıdentiniń keńesshisi Nına Lýkıanenko óńirlik kommýnıkatsııalar qyzmeti alańynda.

Aıtýynsha, jalǵa alǵanǵa deıin jyljymaıtyn múlikti kórý kerek, sodan keıin turǵyn úıge quqyq beretin qujattardy tekserý qajet, ol ıesiniń jeke kýáligin tekserýden bastalady.

«Sonymen qatar, rıeltorlyq qyzmetke ne kiretinin túsiný mańyzdy. Birinshiden, rıeltordyń barlyq alaıaqtardan, al alaıaqtyń rıeltorlardan jáne aqparattyq qyzmet kórsetetin kompanııalardan aıyrmashylyǵy, ol eń aldymen múlikti kórsetedi. Demek, adam aldymen úıdi óz kózimen kórýi kerek. Rıeltor menshik ıesi men bolashaq jalǵa alýshy arasynda kelisim-shart jasaý qyzmetin usynady», - dep qosty Nına Lýkıanenko.