Páter kezeginde turǵan aqtóbelikter baspanaly boldy

AQTÓBE. QazAqparat – Búgin páter kezeginde turǵan 253 adam baspanaly boldy, dep habarlaıdy QazAqparat tilshisi.

Tuńǵysh Prezıdent kúni qarsańynda bir top aqtóbelik qonys toıyn toılady. Olardyń arasynda kópbalaly otbasy, jetim balalar men áleýmettik jaǵynan osal top sanatyna tirkelgender bar. Sonymen birge páter alý úshin ótinish bergen Ekinshi dúnıejúzilik soǵys ardageri de baspanaly boldy.

«Bir ǵana Aqtóbe oblysynda 31 myńnan astam adam páter kezeginde tur. Onyń 24 myńnan astamy adam qala turǵyny. Páter alýdyń birneshe joly usynyldy. Memlekettik baǵdarlamalardyń da kómegi zor. Al jaldamaly-kommýnaldyq páterge 700-den astam jerlesimiz qol jetkizdi. 300-ge jýyǵy «Baqytty otbasy» baǵdarlamasynyń ıgiligin kóredi. Merdigerler ýaqytpen sanaspaı jumys istedi. Aýla ishin abattandyrý keler jyly iske asyrylady», - dedi oblys ákimi Ońdasyn Orazalın.

Bıyl 100 myń​ sharshy metr nemese 1999 páterden turatyn 4 toǵyz qabatty jáne 21 az qabatty turǵyn úı tapsyrylady. Páter «Turǵyn úı qurylys jınaq bankiniń» salymshylary arasynda jáne «7-20-25» baǵdarlamasy aıasynda beriledi. 2020 jyldyń sońynda deıin kezekte turǵan azamattarǵa 122 páter satyp alý jáne 419 páterli ​ kópqabatty úılerdi tapsyrý josparlandy. ​

Aıta keteıik, «7-20-25» baǵdarlamasy aıasynda barlyǵy 797 páter berildi. Aqtóbe qalasy Nur-Sultan, Almaty qalalarynan keıin 3-orynda tur.