Pashınıan: Armenııaǵa jańa Konstıtýtsııa qajet

ASTANA. Kazinform – Armenııaǵa búkilhalyqtyq daýys berý arqyly qabyldanatyn jańa Konstıtýtsııa qajet. Bul týraly el premer-mınıstri Nıkol Pashınıan eldiń negizgi zańynyń 30 jyldyǵyna arnalǵan saltanatty sharada málimdedi.

Pashınıannyń aıtýynsha, jańa Konstıtýtsııa eldiń qazirgi shynaıylyǵyn kórsetýi tıis.

«Bizdiń 500 jyldyq tarıhymyzben salystyrǵanda qazirgi jaǵdaı múlde bólek. Jańa shynaıylyq jańa Konstıtýtsııa qabyldaýdy talap etedi», – dep atap ótti Armenııa premeri.

Aıta keteıik, mamyr aıynyń basynda Armenııanyń ádilet mınıstri Srbýı Galıan eldiń jańa Konstıtýtsııasynyń mátini daıyndalyp jatqanyn, ol 10 aı ishinde ázir bolatynyn habarlaǵan edi.

Buǵan deıin Armenııanyń burynǵy prezıdentine aıyp taǵylǵanyn habarladyq.