Parlament veıpterge tyıym salatyn zańdy bekitti
ASTANA. KAZINFORM - Búgin Májilistiń jalpy otyrysynda palata depýtattary «Qazaqstan Respýblıkasynyń keıbir zańnamalyq aktilerine densaýlyq saqtaý máseleleri boıynsha ózgerister men tolyqtyrýlar engizý týraly» Zańyna Senattyń jańa redaktsııada usynǵan jekelegen baptarymen kelisti.
Zań halyqty sapaly jáne tolyqtaı medıtsınalyq kómekpen qamtamasyz etý, medıtsına qyzmetkerleriniń kásibı jaýapkershiligin saqtandyrý júıesin engizý arqyly zııandy óteýge memleket kepildik bergen patsıentterdiń quqyqtaryn iske asyrý, medıtsınalyq mamandyqtyń mártebesi men bedelin arttyrý maqsatynda ázirlendi.
Aıta keteıik, 14 naýryzda Senat «Qazaqstan Respýblıkasynyń keıbir zańnamalyq aktilerine densaýlyq saqtaý máseleleri boıynsha ózgerister men tolyqtyrýlar engizý týraly» Zańyn ekinshi oqylymda qarady. Senat zańnyń jekelegen baptaryn jańa redaktsııada usynyp, ony Májiliske qaıtardy.
«Májilistiń Áleýmettik-mádenı damý komıteti atalǵan zańnyń jekelegen baptaryna Parlament Senaty engizgen ózgerister men tolyqtyrýlardy qarap shyqty. Bul turǵyda, shegilmeıtin temeki buıymdarynyń, elektrondyq tutyný júıeleriniń (veıpterdiń), olarǵa arnalǵan hosh ıistendirgishter men suıyqtyqtardyń aınalymy úshin qylmystyq jaýaptylyq engizilgen. Osyǵan baılanysty Senat depýtattary atalǵan is-áreket úshin osy zańdy ákimshilik jaýaptylyqty bolǵyzbaıtyn normamen tolyqtyrýdy usyndy», - dedi Májilis depýtaty Gúldara Nurymova.
ıAǵnı veıpterdiń saýdasy úshin qylmystyq jaýapkershilik engizilip otyr.
Budan basqa, shegilmeıtin temeki buıymdary men veıpterdiń taýar belgisiniń elementterin nemese ataýyn paıdalana otyryp, taýarlardy (jumystardy, kórsetiletin qyzmetterdi) jarnamalaýǵa, sondaı-aq shegilmeıtin temeki buıymdary men veıpterge suranys pen qyzyǵýshylyqty yntalandyrýǵa baǵyttalǵan túrli is-sharalardy, onyń ishinde júldeler utys oıyndaryn, lotereıalardy ótkizýge tyıym salýdy belgileýdi kózdeıtin ózgerister men tolyqtyrýlar engizildi.
«Senat depýtattary jekelegen baptarǵa engizgen ózgerister men tolyqtyrýlar osyǵan deıin Parlament Májilisi qabyldaǵan zańnyń tujyrymdamasyn ózgertpeıdi jáne onyń mazmunyn nasharlatpaıdy. Osy oraıda atalǵan zańnyń jekelegen baptaryna Senat engizgen ózgeristermen kelisýdi usynamyz», - dedi depýtat.
