Parlament Májilisine jańa depýtat keldi
ASTANA. KAZINFORM - Búgin Parlament Májilisiniń jalpy otyrysynda Nursultan Tólenuly Baıtilesov depýtat retinde ant berdi.
«Qazaqstan halqyna adal qyzmet etýge, Qazaqstannyń tutastyǵy men táýelsizdigin nyǵaıtýǵa, onyń Konstıtýtsııasy men zańdaryna qatań baǵynýǵa, depýtattyń ózime júktelgen mártebeli mindetterin adal atqarýǵa ant etemin», – dedi N. Baıtilesov.
Sonymen qatar Nursultan Tólenuly Májilistiń Zańnama jáne sot-quqyqtyq reforma komıtetiniń quramyna saılandy.
Budan buryn habarlanǵandaı, jaqynda AMANAT partııasy caıası keńesi bıýrosynyń qaýlysymen Parlament Májilisi depýtatynyń partııalyq tizim boıynsha bos mandaty Baıtilesov Nursultan Tólenulyna berildi.
Nursultan Tólenuly 1991 jyly týǵan.
M. Áýezov atyndaǵy Ońtústik Qazaqstan memlekettik ýnıversıtetin «quqyqtaný» mamandyǵy boıynsha, Óńirlik áleýmettik-ınnovatsııalyq ýnıversıtetin «ekonomıka jáne bıznes» mamandyǵy boıynsha bitirgen. Zań ǵylymdarynyń magıstri.
2020 jyly ol Joǵarǵy sot apparaty basshysynyń orynbasary qyzmetinde boldy.
