Parlament akvasharýashylyq týraly zańdy bekitti
ASTANA. KAZINFORM – Parlament Májilisi «Akvasharýashylyq týraly» Zańynda Senattyń jańa redaktsııada usynǵan jekelegen baptarymen kelisti.
- Bul zańdy Parlament Májilisi bıyl 12 naýryzda qabyldap, Senattyń qaraýyna joldady. Májilistiń Ekologııa máseleleri jáne tabıǵat paıdalaný komıteti Senat joldaǵan jekelegen baptar boıynsha jańa redaktsııamen kelisýdi usynady, - dedi depýtat Sergeı Ponomarev Májilistiń jalpy otyrysynda.
Atalǵan zań jańa óndiristerdi qurý jáne jumys istep turǵandaryn keńeıtý, básekege qabiletti akvasharýashylyq obektilerin ulǵaıtý ári olardyń adam ómiri men densaýlyǵyna, sondaı-aq qorshaǵan ortaǵa qaýipsiz bolýyn qamtamasyz etý jolymen akvasharýashylyqty ornyqty damytý maqsatynda ázirlendi. Zańda birqatar jańa uǵym paıda boldy, memlekettik organdardyń quzyretteri naqtylanyp, ókilettikter berildi.
Eske salsaq, bıyl 15 mamyr kúni Senat akvasharýashylyqqa qatysty zańdy Májiliske qaıtardy.