Parkınson aýrýyn ýltradybyspen emdeıtin apparat satyp alamyz – Serik Aqsholaqov

NUR-SULTAN. QazAqparat – Ulttyq neırohırýrgııa ortalyǵy Úkimetten parkınson aýrýyn ýltradybyspen emdeıtin jańa apparat satyp alýǵa qarajat surap otyr. Bul týraly ortalyqtyń basqarma tóraǵasy Serik Aqsholaqov málim etti, dep habarlaıdy QazAqparat tilshisi.

«Medıtsına salasy bir ornynda turmaıdy. Búgingi jaqsy zamanaýı tehnologııa bir jyldan keıin ozyq tehnologııa bolmaı qalýy múmkin. Sondyqtan Úkimetke óz usynystarymyzdy berip otyramyz. Sonyń arqasynda bizdiń ortalyqtyń tehnologııasy Eýropanyń klınıkalarynan qalyspaıdy. Qazir fýnktsıonaldyq aýralardy, parkınson aýrýyn ýltradybyspen emdeıtin jańa apparattar shyǵyp jatyr. Ol týraly men Úkimette sóz qozǵadym. Qoldaý tapty dep aıta alam. Ol qoldaýdyń iske asýy úshin ýaqyt kerek. Ol jaǵynan tolyq qoldaý bar»,- dedi neırohırýrg elordada ótip jatqan halyqaralyq forýmnyń kýlýarynda.

Aıtýynsha, ol basqaratyn mekeme 14 jylda 35 myń kúrdeli ota jasaǵan. Sonyń arqasynda buryn tek shetelde emdeletin naýqastar Qazaqstanda aýrýyn eńserýge múmkindik alǵan.

«Ulttyq neırohırýrgııa ortalyǵy jumysyn bastaǵan 14 jyldyń ishinde 35 myńdaı ota jasadyq. Sonyń 95 paıyzy halyq úshin tegin jasaldy. ıAǵnı, qazaqstandyqtar úshin tolyǵymen tegin, kvota arqyly isteledi. Qazir bizge shetelden de keletin emdelýshiler bar. Medıtsınalyq saqtandyrý arqyly ota jasatýshylar da bar. Solardyń ishinde eń qymbaty –mı qantamyrlaryna jasalatyn ota. Onyń qunyn da qazaqstandyqtar úshin memleket tóleıdi», - dedi Serik Aqsholaqov.

Aıta keteıik, búgin elordada Halyqaralyq neırohırýrgııa forýmy ótip jatyr.