Parıj Olımpıadasynyń alǵashqy júldesin qaı el aldy

PARIJ. KAZINFORM – Frantsııa astanasynda ótip jatqan Olımpıada oıyndarynyń alǵashqy júldelerin Qazaqstan, Qytaı jáne Ońtústik Koreıa eliniń sportshylary jeńip aldy.

Naqtyraq aıtar bolsaq, Parıjdegi Olımpıadanyń eń alǵashqy medali Qazaqstan qorjynyna tústi. Otandastarymyz Islam Sátpaev pen Aleksandra Le pnevmatıkalyq vıntovkamen 10 metrge nysana kózdeýden aralas komandalyq synda qolaǵa qol jetkizdi. 

Al, Olımpıadanyń alǵashqy altyn medalin Qytaı sportshylary qanjyǵasyna baılasa, kúmis júldeni Ońtústik Koreıa sportshylary jeńip aldy.

Aıta keteıik, Parıj qalasynda alaýy tutanǵan XXXIII jazǵy Olımpıada oıyndarynda jalpy 32 sport túrinen 329 medal jıyntyǵy sarapqa salynady.

Qazaqstan sportshylary tórt jyldyq dodada sporttyń 25 túrinen 92 joldama jeńip alǵan bolatyn.

Búgin joǵary da atap ótkenimizdeı, el qorjynyna alǵashqy medal tústi.