Parıj Olımpıadasynyń alaýy tutandy
ASTANA. KAZINFORM – Frantsııa astanasy – Parıjde resmı túrde XXXIII jazǵy Olımpııa oıyndary bastaldy. Tórt jyldyqtyń basty dodasynyń resmı ashylý saltanatyndaǵy «Memleketter sherýi» kezinde Qazaqstannyń kók baıraǵyn boksshy Aslanbek Shymbergenov pen jeńilatlet Olga Safronova ustap shyqty. Bul týraly Týrızm jáne sport mınıstrligi málimdedi.
Bıylǵy Olımpıadanyń ashylý saltanaty tarıhta alǵash ret erekshe formatta uıymdastyryldy. ıAǵnı sportshylar sherýi ádettegideı stadıonda emes, áıgili Sena ózeninde ótti. Ár delegatsııa sherýge jeke qaıyqpen shyqty. Sherýde sportshylar 6 shaqyrymdyq qashyqtyqty basyp ótip, resmı rásim ótken Trokaderoda aıaldady.
Іs-sharanyń kórkemdik jetekshisi – teatr rejısseri Tomas Jollı. Resmı is-sharaǵa Qazaqstan Respýblıkasy Týrızm jáne sport mınıstri Ermek Marjyqpaev qatysyp, Olımpıadada el namysyn qorǵaıtyn sportshylarǵa tolaǵaı tabys tiledi.
«Sportshylar men jankúıerler qaýymy taǵatsyzdana kútken Parıj Olımpıadasy da bastaldy. Aldaǵy eki apta boıy tórtkúl dúnıeniń nazary Parıjge aýady. Olımpıada – halyqtardy biriktiretin, eldi bir arnaǵa uıystyratyn biregeı sporttyq mereke. Olımpıadaǵa álemniń túkpir-túkpirinen naǵyz myqty sportshylar jınaldy. Báriniń armany – Olımpıada chempıony ataný. Osy kúnge deıin tókken mańdaı teriniń, etken eńbeginiń aqtalǵanyn kim qalamaıdy deısiz?! Sondyqtan saıysqa shyǵatyn sańlaqtarymyzǵa tek sáttilik, tolaǵaı tabys tileımin. Atletterimiz Parıjge jaqsy daıyndyqpen keldi. Barlyǵynan júlde kútýge bolady. Biz birigip, Tokıo Olımpıadasyndaǵy nátıjeni jaqsartýǵa barlyq kúsh-jigerimizdi salýymyz qajet. Alǵa, Qazaqstan», - dedi Ermek Marjyqpaev.
Eske salsaq, Parıjdegi tórt jyldyqtyń basty sporttyq oqıǵasy bıyl 26 shilde men 11 tamyz aralyǵynda ótedi. Frantsııa jerindegi dodaǵa álemniń 206 elinen 10 500 sportshy qatysady. Parıjdegi básekede 32 sport túrinen 329 medal jıyntyǵy sarapqa salynady. Qazaqstan ulttyq quramasy sapynan 79 sportshy sporttyń 25 túrinen júldege talasady.
