Parıj-2024: Olımpıada oıyndarynyń ashylýyna 1 kún qaldy
PARIJ. KAZINFORM – Frantsııa astanasy Parıj qalasynda ótetin bıylǵy jyldyń basty dodasy — XXXIII Olımpıada oıyndarynyń ashylýyna týra 1 kún qaldy. Erteń, ıaǵnı 26 shilde kúni oıyndardyń resmı alaýy tutanady.
Dál qazir Parıj qalasynda Olımpıada oıyndaryna qyzý daıyndyq júrip jatyr. Qonaqtardy kútip alý, ornalastyrý. Tilshiler qaýymy da óz tirlikterimen abyr-sabyr.
Erteńgi oıyndardyń ashylý saltanatyna oraı kóshede qaýipsizdik qyzmetteri de kúsheıgen.
Aıta ketsek, kez kelgen Olımpıada aldynda sol eldiń ishindegi qalalarda alaý estafetasynyń ótetindigi belgili. Parıj Olımpıadasyndaǵy alaýdyń dızaınynda sý, teńdik jáne álem taqyryptary qamtylǵan.
Estafeta barysynda alaý Atlant, Úndi, Tynyq muhıttary arqyly birneshe araldy qamtıdy. Al Parıj Olımpıadasynyń ashylýy Sena ózeninde ótedi.
Búgingi tańda sportshylarymyz Olımpıada qalashyǵyndaǵy aýmaǵy 300 myń sharshy metrdi quraıtyn qonaqúılerge jaıǵasyp, jarysqa tyńǵylyqty daıyndalyp jatyr. Álemniń 200-den astam elinen 15 myńǵa jýyq sportshylardy ornalastyratyn ǵımarat zamanaýı jáne ár túrli pishinde negizi qalanǵan. 7 jyl ýaqyt jumsalǵan 80-nen astam ǵımaratta 7 200 bólme bar.
HHHІІІ jazǵy Olımpıada oıyndarynyń jeńimpazdary men júldegerleri Eıfel munarasynyń etegindegi Trokaderoda ornalasqan Chempıondar saıabaǵynda marapattalady.
Olımpıada medaldary buryn jóndeý jumystary kezinde alynǵan Eıfel munarasynyń túpnusqa synyqtarynyń balqymasynan jasalǵan.
Altyburysh pishininde jasalǵan bóliktiń ortasynda Jazǵy Olımpıada oıyndarynyń logotıpi tur. Altyburysh – Frantsııanyń kartasy.
Medaldyń artqy jaǵynda grekter úshin jeńis qudaıy sanalatyn Nıka, Afınadaǵy Akropol jáne Eıfel munarasy beınelengen.
Parıj Olımpıadasy — Qazaqstannyń táýelsiz el retinde qatysqaly otyrǵan segizinshi jazǵy Olımpıadasy bolmaq. Sondaı-aq, Eýropa qurlyǵynda úshinshi ret (Afına, London, Parıj) baq synaıdy.
Parıj qalasynda ótetin XXXIII jazǵy Olımpıada oıyndarynda jalpy 32 sport túrinen 329 medal jıyntyǵy sarapqa salynady.
Qazaqstan sportshylary tórt jyldyq dodaǵa 80 atlet sporttyń 25 túrinen 92 joldama jeńip aldy.
Olımpıadanyń ashylý saltanatynda Qazaqstan týyn boksshy Aslanbek Shymbergenov pen jeńil atlet Olga Safronovaǵa kók baıraǵymyzdy tabystaǵan edi.
Qazaqstan sportshylary osyǵan deıingi Jazǵy Olımpıada oıyndarynda 12 sport túrinen júlde jeńip alǵanyn.
Olar:
Boks —7 altyn, 7 kúmis, 10 qola;
Jeńil atletıka — 2 altyn, 1 kúmis, 2 qola;
Aýyr atletıka — 1 altyn, 3 kúmis, 6 qola;
Grek-rım kúresi — 1 altyn, 2 kúmis, 2 qola;
Velosport — 1 altyn, 1 kúmis;
Qazirgi bessaıys — 1 altyn;
Júzý — 1 altyn;
Erkin kúres — 3 kúmis, 7 qola;
Dzıýdo — 2 kúmis, 2 qola;
Nysana kózdeý — 2 kúmis, 1 qola;
Karate — 2 qola;
Taekvondo — 1 qola.
Búgingi tańda táýelsiz Qazaqstannyń 14 Olımıada chempıony bar.
Olar:
ıÝrıı Melnıchenko 1972 jyly, 5 maýsymda dúnıege kelgen. Grek-rım kúresinen 1996 jylǵy Atlanta Olımpıadasynyń chempıony.
Vasılıı Jırov 1974 jyly, 4 sáýirde Balqash qalasynda dúnıege kelgen. Bokstan (81 kelige deıingi) Atlanta Olımpıadasynyń chempıony.
Aleksandr Parygın 1973 jyly dúnıege kelgen. Bessaıystan Atlanta Olımpıadasynyń jeńimpazy.
Bekzat Sattarhanov 1980 jyldyń 4 sáýirinde Túrkistan qalasynda dúnıege kelgen. 2000 jyly ótken Sıdneı Olımpıadasynyń chempıony. 2000 jyldyń 31 jeltoqsanynda ómirden ótken.
Olga Shıshıgına 1968 jyldyń 23 jeltoqsanynda Almaty qalasynda dúnıege kelgen. Jeńil atletıkadan Sıdneı Olımpıadasynyń chempıony.
Ermahan Ybraıymov 1972 jyly 1 qańtarda Jambyl oblysynda dúnıege kelgen. Boksshy 71 keli salmaqta Sıdneıde jeńimpaz atandy.
Baqtııar Artaev 1983 jyly 14 naýryzda Taraz qalasynda dúnıege kelgen. 2004 jylǵy Grekııanyń Afıny qalasynda ótken Olımpıadada bokstan 69 keli salmaqta top jardy.
Baqyt Sársekbaev 1981 jyly 29 qarashada dúnıege kelgen. Bokstan 2008 jylǵy Beıjiń Olımpıadasynyń chempıony.
Alla Vajenına 1983 jyly 29 mamyrda dúnıege kelgen. Aýyr atletıkadan Beıjiń oıyndarynyń jeńimpazy.
Serik Sápıev 1983 jyldyń 16 qarashasynda Abaı qalasynda dúnıege kelgen. Bokstan 69 keli salmaqta 2012 jylǵy London Olımpıadasynyń chempıony.
Olga Rypakova 1984 jyly, qarashanyń 30-ynda Óskemen qalasynda dúnıege kelgen. Jeńil atletıkadan London qalasynda ótken Olımpıadanyń altyn medal ıegeri.
Aleksandr Vınokýrov 1973 jyly, 16 qyrkúıekte Soltústik Qazaqstan oblysynda dúnıege kelgen. Veloshabandoz. 2012 jylǵy Londondaǵy XXX jazǵy Olımpıada oıyndarynda bas júldeni jeńip alǵan.
Danııar Eleýsinov 1991 jyly, 13 naýryzda Qaztalov aýdanynda dúnıege kelgen. Boksshy. 2016 jylǵy Brazılııadaǵy Olımpıada oıyndarynyń jeńimpazy.
Dmıtrıı Balandın 1995 jyldyń 4 sáýirinde Almaty qalasynda dúnıege kelgen. Rıo-de-Janeıro qalasynda ótken XXXI Olımpıada oıyndarynda 200 metr braspen Qazaqstanǵa júzýden tuńǵysh altyn medal alyp bergen sportshy.
Alda Parıj Olımpıadasy
Bul kúnderi Frantsııa astanasy Parıj qalasynda ótetin HHHІІІ jazǵy Olımpıada oıyndaryna irikteý týrnırleri tolyǵymen aıaqtaldy. Qazirgi tańda tórtjyldyq dodaǵa joldama jeńip alǵan qazaqstandyq sportshylarymyz sońǵy oqý-jattyǵý jıyndaryn ótkizip jatyr.
Qazaqstan quramasy Olımpıada oıyndaryna sporttyń 25 túrinen 92 joldama jeńip aldy. Naqtyraq aıtsaq, boks, dzıýdo, sportttyq gımnastıka, jeńil atletıka, baıdarka men kanoede esý, oqpen atý, semserlesý, grek-rım kúresi, erkin kúres, sadaq atý, stendtik atý, tennıs, veloshosse, júzý, zamanaýı bessaıys, taekvondo, velotrek, batýt gımnastıkasy, badmınton, akademııalyq esý, kórkem gımnastıka, trıatlon, ústel tennısi, quzǵa shyǵý jáne breıkıngten Olımpıada oıyndarynda synǵa túsedi.
Esterińizge sala keteıik, Frantsııa astanasy Parıj qalasynda ótetin XXXIII jazǵy Olımpıada oıyndary 26 shilde men 11 tamyz aralyǵynda ótedi. Oıyndarǵa álemniń 205 elinen 10 500 sportshy qatysady dep josparlanǵan.
