Parıj – 2024: Nazym Qyzaıbaı shırek fınalǵa ótti
PARIJ. KAZINFORM — Frantsııa astanasy Parıj qalasynda ótip jatqan Olımpıada oıyndarynda bokstan áıelder arasynda Nazym Qyzaıbaı ekinshi jekpe-jeginde jeńiske jetti.
Tóreshiler esebi: 5-0. Endi shırek fınalda Kolýmbııa ókilimen kezdesedi.
Nazym Qyzaıbaı álem chempıonatynda 2 ret top jaryp, 1 ret úzdik úshtikti túıindegen. Sondaı-aq Azııa chempıony. Karolaın Barboza - byltyr Panamerıka oıyndarynyń jeńimpazy.
50 kelige deıingi salmaqta óner kórsetip jatqan Nazym Qyzaıbaı birinshi jekpe-jeginde Italııa boksshysy Djordana Sorrentınony jarys jolynan taıdyrǵan edi.
«Birinshi jekpe-jek bolǵannan keıin shyǵar, kishkene qıyndaý boldy. Endi kelesi aıqastarymda budan da jaqsy judyryqtasýǵa tyrysamyn. Olımpıadanyń atmosferasy óte keremet. Adamdar da óte kóp, jalpy ózime unap jatyr. Jekpe-jektiń basynda bapkerlerimdi kishkene alańdatyp jibergendeı boldym. Alaıda, eń bastysy qarsylasymdy uttym. Qarsylastarymnyń barlyǵy myqty. Sol úshin aldaǵy aıqastaryma barynsha tyńǵylyqty daıyndalyp shyǵamyn», - degen edi Nazym Qyzaıbaı.
