Parıj-2024: Qytaı quramasy jalpy medaldar kestesinde kósh bastap keledi

PARIJ. KAZINFORM – Parıjde ótip jatqan Olımpıada oıyndarynda jalpy medaldar kestesinde Qytaı quramasy kósh bastap keledi.

Naqtyraq aıtsaq, dál qazirgi medaldar kestesi boıynsha qytaılyqtar búgin AQSh-ty basyp ozyp, jalpy esepte kósh basyna shyqty. Olardyń enshisinde 21 altyn, 17 kúmis, 14 qola medal bar.

Al búgin AQSh quramasynyń Qytaıdan 3 altyny kem. Olardyń enshisinde 19 altyn, 29 kúmis, 27 qola medal bar.

Úzdik úshtikti ázirge Avstralııa quramasy túıindep tur. Olarda 13 altyn, 11 kúmis, 8 qola medal bar.

Parıj Olımpıadasynda 1 altyn, 1 kúmis, 2 qola medal jeńip alǵan Qazaqstan sportshylary ázirge 29-oryndy qanaǵat tutýda.

Búgin Parıj Olımpıadasynda 3 memlekettiń qorjynyna alǵashqy júldeleri tústi. Osylaısha medal alǵan elder sany 64-ge jetti.

Esterińizge sala ketsek, Frantsııa astanasy Parıj qalasynda ótip jatqan XXXIII jazǵy Olımpıada oıyndary 11 tamyzda máresine jetedi. Oıyndarǵa álemniń 205 elinen 10 500 sportshy qatysyp jatyr. Olımpıadashylar 32 sport túrinen 329 medal jıyntyǵyn sarapqa salyp jatyr.