Parıj-2024: Demeý Jadyraevtyń fınaldaǵy qarsylasy týraly ne bilemiz

PARIJ. KAZINFORM – Frantsııa astanasy Parıj qalasynda ótip jatqan Olımpıada oıyndarynda búgin grek-rım kúresinen fınalda beldesetin qazaqstandyq Demeý Jadyraev japonııalyq Nao Kýsakamen altyn júldeni sarapqa salady.

Demeý Jadyraevqa fınal ońaıǵa soqpasy anyq. Japonııalyq sportshy Nao Kýsaka 2023 jyly álem chempıonatynda qola medal alǵan. Sondaı-aq ol 2024 jylǵy Azııa oıyndarynyń chempıony atanǵan. Nao qazir álemdik reıtıngide 77 keli salmaqtyń kóshin bastap tur. 

Dese de, Demeý Jadyraev el úmitin aqtaýǵa bar kúshin salady degen úmittemiz. Ol bıyl – 34 jasta. Bul onyń sońǵy Olımpıadasy bolýy ábden múmkin. Qazaqstandyq sportshy 2017 jylǵy álem chempıonatynyń kúmis júldesin jeńip alǵan. Sonymen qatar Demeý Azııa chempıonatynda birneshe márte júldeger atanǵan.

Keshe otandasymyz jartylaı fınalda ázerbaıjan sportshysy Sanan Sýleımanovpen kezdesip, qarsylasyn 6:1 esebimen aıqyn jeńdi. Osylaısha Demeý Jadyraev Parıj Olımpıadasynyń fınalyna shyqty.