Parasportshy Malıka Muhtarova ómirden ozdy
Malıka Muhtarova nebári 23 jasta edi. Bala kezinen «Balalardyń sal aýrýy» dıagnozy qoıylǵanyna qaramastan, ol óziniń janqııarlyq eńbegi men tabandylyǵynyń arqasynda 2015 jyly sporttyq bal bıinen Qostanaı oblysynyń bes dúrkin chempıony boldy. 2016 jyldan halyqaralyq baıqaýlarǵa qatysty.
2016 jyldyń qyrkúıeginde ol arbada sporttyq bıden ótken álem kýbogynyń qola medalin jeńip aldy. Jarys Sankt-Peterbýrg qalasynda ótken bolatyn. Sol jyly Malıka Taıvanda arbada otyryp bıleýden Azııa chempıony atandy. Chempıonatta 2 altyn jáne bir qola medal enshiledi.
2017 jyldyń maýsymynda ol Qazaqstan chempıony boldy. Al sol jyldyń 20-23 qazanynda Malıka Belgııada ótken álem chempıonatynda 2 qola medal ıelendi.
Sodan keıin de Azııa kýbogynda eki márte chempıon bolyp, álem kýbogynda 2 qola buıyrdy. 2021 jyly qostanaılyq parasportshy Italııada ótken álem kýbogynda kúmis medalge, al 2022 jyldyń kúzinde Slovakııada ótken álem kýbogynda altyn medalge qol jetkizgen edi.
