Paralımpıadalyq oıyndardyń ashylý saltanatynda Aýǵanstan týyn eriktiler alyp júrdi

TOKIO. Kyodo-QazAqparat - Tokıodaǵy Paralımpıadalyq oıyndardyń ashylý saltanatynda Aýǵanstan týyn volonterler alyp júrdi, dep habarlaıdy QazAqparat Kyodo agenttigine silteme jasap.

Halyqaralyq Paralımpıadalyq komıtet aýǵan sportshylarymen jáne oıynǵa kelmegen Ortalyq Azııa elderiniń ókilderimen «yntymaqtastyq» retinde BUU Bosqyndar isi jónindegi Joǵarǵy Komıssarynyń ókili týdy Ulttyq stadıonǵa aparady dep úmittengen edi.

IPC tóraǵasy Kreıg Spens rásimge birneshe saǵat qalǵanda ótken baspasóz máslıhatynda komıtet BUU agenttiginen eriktiniń týdy alyp júrgenin qalaıtyndyǵy týraly jaýap alǵanyn málim etti. Sebebi bul - «beıtarap uıym».

Osy aıdyń basynda tálipter elge baqylaýdy qalpyna keltirgennen keıin aýǵan sportshylary jarysqa qatysa almady.

Spens koronavırýstan týyndaǵan qıyndyqtarǵa qaramastan osynaý sport básekesinde rekordtyq kórsetkish - 4,403 sportshy bolatynyn, al munyń «úlken jetistik» ekenin jetkizdi.

Onyń aıtýynsha, buǵan deıingi rekord 2016 jyly Rıo -de -Janeırodaǵy Paralımpıada oıyndarynda tirkelgen. Onda qatysýshylar sany 4328-ge jetken bolatyn.