Pan Gı Mýn G20 elderinen Sırııadaǵy gýmanıtarlyq kómekke qosymsha qarjy surady

ASTANA. 6 qyrkúıek. QazAqparat - Reseıdiń Sankt-Peterbor qalasynda ótip jatqan G20 sammıtinde BUU Bas hatshysy Pan Gı Mýn G20 elderinen Sırııadaǵy gýmanıtarlyq kómekke qosymsha qarjy surady.

Óz sózinde ol buǵan deıin berilgen gýmanıtarlyq kómek úshin alǵys bildirdi. Alaıda búginde Sırııa azamattary basqa memleketterge qashyp, bosqyndar qataryna qosylyp jatqandyqtan, gýmanıtarlyq maqsatta qosymsha qarjy qajet bolyp tur. «Biz qazirgi gýmanıtarlyq jaǵdaı men bosqyndar máselesin eskere otyryp, jańa bıýdjetti jasaqtadyq. Osyǵan oraı, qosymsha 4,4 mlrd. dollar bólýdi suraımyz», - dedi BUU-nyń Bas hatshysy. Sondaı-aq ol «Jeneva - 2» - Sırııa máselesi boıynsha jańa halyqaralyq konferentsııanyń jaqyn arada ótkizilýine senim bildirdi. Onyń oıynsha, Jeneva kommıýnıkesin tolyqqandy iske asyrýdyń arqasynda Sırııa máselesin saıası jolmen sheshýge bolady.