Pákistandaǵy poıyz jarylysy: 24 adam qaza tapty
ASTANA. KAZINFORM — Pákistannyń ońtústik-batysyndaǵy Belýdjıstan provıntsııasynda jeksenbi kúni jolaýshylar poıyzynda bolǵan jarylys saldarynan keminde 24 adam qaza taýyp, taǵy 82 adam jaraqat aldy. Bul týraly aty-jónin jarııalamaǵan polıtsııadaǵy derekkózderge silteme jasap, Sınhýa agenttigi habarlady.
Merekege baılanysty úılerine qaıtyp bara jatqan quqyq qorǵaý organdary qyzmetkerleri otyrǵan poıyz Kvettadaǵy áskerı lagerden shyqqan. Jergilikti ýaqyt boıynsha shamamen saǵat 08:05-te jarylys bolǵan, dep málimdedi derekkózder.
Jarylys saldarynan birneshe vagon relsten shyǵyp ketken, olardyń ekeýi órtengen. Sondaı-aq jaqyn mańda turǵan kólikter de zaqymdanǵan. Qaza tapqandar men zardap shekkenderdiń arasynda áıelder men balalar bar ekeni aıtyldy.
57 jaraly áskerı gospıtalǵa, taǵy 25 adam Kvettadaǵy azamattyq aýrýhanaǵa jetkizilgen.
Aldyn ala tergeý nátıjesine sáıkes, jankeshti 70 keliden astam jarylǵysh zat tıelgen avtokólikti jaryp jibergen, dep habarlady derekkózder.
Buǵan deıin Pákistanda jankeshtiniń shabýylynan 15 polıtseı qaza tapty.
