Ózimniń jáne jaqyndarymnyń qaýipsizdigi úshin vaktsına aldym – 17 jastaǵy stýdent
Botakóz búgin Zachagan kentindegi №6 emhanada Pfizer kompanııasynyń Comirnaty vaktsınasymen egildi.
Ol birinshi komponentti alǵannan keıin ózin jaqsy sezinetinin jetkizdi.
«Jasym 17-de. Osy Oral qalasynda turamyn. Jaqyndarymnyń bári ekpe aldy. Meniń de vaktsına alýyma ata-anam ruqsatyn berdi. Bul – túptep kelgende, bárimizdiń qaýipsizdigimiz úshin kerek. Ózim «Maqsat» medıtsına kolledjinde meıirger isi mamandyǵyna oqyp jatyrmyn. Aldaǵy ýaqytta osy salada bilimimdi jetildirip, halyqtyń densaýlyǵyn nyǵaıtý jolynda eńbek etkim keledi», dedi B.Іzteleýova.
Eske sala keteıik, budan buryn Batys Qazaqstanǵa 29 250 doza Pfizer vaktsınasy jetkizilgenin, óńirde balalar arasynda tumaýǵa shaldyǵý jıilegenin, vaktsına alǵandar sany 246 myńnan asqanyn jazǵan bolatynbyz.
Sondaı-aq Batys Qazaqstanda Pfizer vaktsınasyn egý bastaldy.
