«Ózenmunaıgaz» jumysyn toqtatty

ASTANA. QazAqparat – Elektr qýatynyń berilmeýine baılanysty 3 myńnan astam óndirýshi kenish pen plast qysymyn qoldaýshy qurylǵylardyń jumysy toqtady, dep habarlaıdy QazAqparat lada.kz saıtyna silteme jasap.

Bul jaǵdaı birinshi kezekte jalaqyǵa áser etýi múmkin degen oımen jumysshylardy alańdatyp otyr.

Qalyptasqan jaǵdaıǵa kompanııa ókilderi pikir bildirdi.

«Ózenmunaıgaz» aktsıonerlik qoǵamy ókilderiniń habarlaýynsha, jumys 4-shi tamyzdan bastap toqtady. Basty sebep – elektr qýatynyń jetispeýshiligi. Jumys toqtasa, kelesi aıda jalaqymyzǵa áser etedi dep jumysshylar alańdap otyr.

«Ózenmunaıgaz» AQ-nyń ókilderi Mańǵystaý atom energetıkalyq kombınatynyń jumysynda da qıyndyqtar bar ekenin aıtty.

3 shilde kúni avtomatty jıilik jeńildetkishi iske qosylyp, nasos stantsııasynyń 30 qurylǵysynyń jumysy toqtady.

Energııa taratýshy uıymnyń elektr qýatyna shekteý engizildi. Barlyǵy 3784 óndirýshi kenish pen plast qysymyn qoldaýshy 36 qurylǵynyń jumysy toqtatyldy.

Aıta keteıik, syǵan deıin «QazMunaıGaz» ulttyq kompanııasynyń arnaıy toby «Ózenmunaıgaz» kompanııasyna tekserý júrgizip, onyń qarjy-sharýashylyq qyzmetinen 160 zań buzýshylyq anyqtaǵan bolatyn.