Ózbekstannyń Sýrhandarııa oblysynda úshinshi ret jer silkindi

Búgin, 23 qarashada jergilikti ýaqytpen 14:36 shamasynda Ózbekstan aýmaǵynda 3,9 baldyq zilzala boldy, dep habarlaıdy Kazinform agenttigi.

TJM seısmıkalyq boljaý monıtorıngi respýblıkalyq ortalyǵynyń deregi boıynsha, epıtsentri Sýrhandarııa oblysynyń Qumqorǵan aýdanynda ornalasqan.

Jer silkinisiniń baǵyty: 37,76 s.e. 67,69 sh.b. Magnıtýdasy M – 3,9. Tereńdigi – 10 shaqyrym. Epıtsentrden Tashkentke deıingi araqashyqtyq – ońtústik-batys baǵytta 411 shaqyrym.

Ózbekstan aýmaǵyndaǵy jerasty dúmpýiniń kúshi:

Qumqorǵan aýdany: 3 ball, 16 km.

Shýrchı aýdany: 2-3 ball, 26 km.

Bandıqan aýdany: 2 ball, 31 km.

Jarqorǵan aýdany: 2 ball, 35 km.

Kızırık aýdany: 2 ball, 42 km.

Bul – búgin osy óńirde bolǵan úshinshi jer silkinisi. 3,4 baldyq birinshisi tańǵy 04:28-de bolsa, ekinshisi 14:08-de tirkeldi.