Byltyr Ózbekstan ekonomıkasy 5,5 paıyzǵa ósti

Ótken jyly Ózbekstan ekonomıkasyndaǵy ósim 5,5 paıyzdy qurady. Mundaı derekter Dúnıejúzilik banktiń (DB) «Álemdik ekonomıkanyń perspektıvalary» baıandamasynda keltirilgen, dep habarlaıdy Kazinform agenttiginiń menshikti tilshisi.

Atalǵan kórsetkishtke Dúnıejúzilik bank jyl ishinde úsh ret ózgeris engizdi. Onyń barlyǵy ósim jaqqa baǵyttalǵan.

Ótken jyldyń basynda DB Ózbekstan ekonomıkasynyń jyldyq ósimin 4,9% deńgeıinde bolady dep baǵalady.

Alaıda, alǵashqy jartyjyldyqtyń qorytyndysy boıynsha boljamdy - 5,1%, al qazanda 5,5 paıyzǵa deıin kóterdi.

Dúnıejúzilik banktiń baǵalaýynsha, Ózbekstannyń ekonomıkalyq ósim qarqyny bıyl da 5,5% deńgeıinde saqtalady.