Ózbekstandyqtar Semeıde Abaı týraly fılm túsirýde
Igi bastama Ózbekstan prezıdenti Shavkat Mırzıeevtiń qazaqtyń bas aqyny Abaıdyń shyǵarmashylyq murasyn nasıhattaý týraly Qaýlysy aıasynda júzege asyp otyr. Ózbekstan eliniń basshysy Sh.Mırzıeev bekitken qujatta uly aqyn jáne oıshyl Abaı esimi men mol shyǵarmashylyq murasy qazaq halqynyń ǵana emes, barsha túrki halyqtarynyń, onyń ishinde ózbek halqynyń rýhanı damý tarıhynda óshpes iz qaldyrǵany aıtylǵan.
Ózbek tilindegi «Abaı sózi» derekti fılmniń maqsaty - kórermenderdi aqynnyń balalyq shaǵy, ósken ortasy, shyǵarmashylyǵy jáne muraǵat qujattarymen jaqyn tanystyrý.
Tashkent qalasyndaǵy Derekti fılmder stýdııasynyń ujymy Abaıdyń Semeıdegi mýzeıine kelip, kemeńger tulǵaǵa qatysty qundy derektermen tanysty. Sondaı-aq fılm avtorlary mýzeıge aqynnyń ózbek tiline aýdarylǵan shyǵarmalar jınaǵyn jáne «Abaı joly» roman-epopeıasyn tartý etti.
«Stýdııa ujymy 5 kún boıy Semeıdegi jáne Jıdebaıdaǵy mýzeıde bolyp, Abaıdyń ómir joly, shyǵarmashylyǵy týraly túsirdi. Fılm osy jyldyń sońynda shyǵady dep josparlanýda», - dedi Abaıdyń «Jıdebaı-Bórili» qoryq-mýzeıiniń ǵylymı qyzmetkeri Qýat Qıyqbaı.
