Ózbekstandyq qazaq jýrnalısi – «Altyn qalam» ıegeri

ASTANA. Kazinform - Ózbekstan Respýblıkasy Parlamentiniń «Ҳalq sўzı» jáne «Narodnoe slovo» gazetteriniń jaýapty hatshysy Nurlan Ýsmanov Ózbekstanda ótkizilgen bıylǵy «Altyn qalam» ulttyq syılyǵynyń júldegeri atandy, dep habarlaıdy Kazinform tilshisi.

Nurlan Óktemuly eńbek jolyn qazaq tilinde shyǵatyn «Nurly jol» gazetinen bastaǵan, sondaı-aq «Ýchıtel Ýzbekıstana» gazetin basqarǵan.

Nurlan Óktemulynyń kóp jyldyq eńbegi, shyǵarmashylyǵy ári izdenimpazdyǵy joǵary baǵalanyp, dástúrli túrde ótetin «Altyn qalam» HVІІІ ulttyq syılyǵynyń baspa baǵytynda ІІ oryn júldegeri atandy.

Bıylǵy baıqaýǵa 600-ge jýyq jergilikti jáne sheteldik BAQ ókilderi 4 myńnan astam shyǵarmashylyq jumysyn tapsyrǵan. Atap aıtqanda, televızııa baǵyty boıynsha memlekettik jáne táýelsiz telearnalardan 98 jýrnalıst, radıo baǵytynda 26, BAQ baǵytynda 178, ınternet basylymdary boıynsha 75, «Sheteldik jýrnalısterdiń Ózbekstan týraly eń jaqsy materıaly úshin» atalymynda da jyldaǵydan kóp 40-tan astam elden 100-ge jýyq jýrnalıst qatysqan.

Nurlan Óktemuly týyndylaryn úsh tilde, ıaǵnı qazaq, ózbek jáne orys tilinde qatar jazady. Onyń jazǵan maqalalary memlekettik basylymdar men saıttarda ǵana emes, sondaı-aq basqa elderdiń BAQ-da jıi jarııalanady. Sonymen qatar ol qazaqstandyq qoǵamdyq uıymdarmen de yntymaqtastyq ornatyp, halyqaralyq semınar-trenıngterde spıker, medıa-trener retinde qatysady.