Ózbekstandyq aýyr atlet dopıng qoldanǵany úshin jarystan shettetildi

ASTANA. KAZINFORM — Ózbekstandyq aýyr atlet Sardor Lapasov dopıngke qarsy erejeni buzǵany úshin tórt jylǵa jarystan shettetildi, dep jazady kun.uz.

Ózbekstan ulttyq dopıngke qarsy agenttigi onyń synamasynan 2024 jylǵa arnalǵan tyıym salynǵan zattar tizimine engen «klenbýterol» tabylǵanyn habarlady.

Endi ol dıskvalıfıkatsııa merzimi aıaqtalǵansha halyqaralyq jáne respýblıkalyq jarystar men oqý-jattyǵý jıyndaryna qatysa almaıdy.

Buǵan deıin Kun.uz ıraktyq dzıýdoshy dopıng qoldanǵany úshin Olımpıada oıyndarynda ózbekstandyq boksshymen jekpe-jek aldynda jarystan shettetilgenin jazǵan.

Aıta keteıik, buǵan deıin Qazaqstan-Ózbek iskerlik keńesi otyrysynyń qorytyndysy boıynsha birneshe iskerlik kelisimge qol qoıylǵanyn jazǵan edik. 

Qol qoıylǵan qujattardyń ekeýi teri óńdeý men aıaq kıim jetkizý máselelerin qamtıdy.