Ózbekstandaǵy qylmystyq toptardy quryqtaý sharasy: taǵy 6 kúdikti ustaldy

40 kúndik jedel-profılaktıkalyq is-shara aıasynda Tashkent qalalyq ishki ister basqarmasy ózge de organdarmen birlesip, qylmys jasady dep kúdikke ilingen taǵy 6 adamdy ustady, dep habarlaıdy Kazinform agenttiginiń menshikti tilshisi.

Vedomstvodan málimdegendeı, ustalǵandardyń arasynda jeltoqsannyń basynda qamaýǵa alynǵan qylmys áleminde “Bahtı tashkenttik" jáne "Bahtı ıAngıabad" degen atpen belgili 52 jastaǵy Bahtıer Qýdratýllaevtyń uly, 27 jastaǵy Ihtıer Qýdratýllaev ta bar.

Onyń ústinen Ózbekstan Qylmystyq kodeksiniń 156-baby 3-bóligi boıynsha (asa iri kólemde bopsalaý) is qozǵaldy.

Aıta keteıik, onyń ákesine qatysty is te osyǵan uqsas bap boıynsha ashylǵan. Sondaı-aq Bahtıer Qýdratýllaev 276-baptyń 2-bóligi negizinde (ári qaraı ótkizý maqsatynsyz iri mólsherde esirtki nemese psıhotroptyq zattardy zańsyz daıyndaý, satyp alý, saqtaý) tergelip jatyr.

Tashkent qalalyq ІІB atalǵan qylmystyq isterdi tergeý jalǵasyp jatqanyn málim etti.

Eske salaıyq, buǵan deıin Ózbekstanda 120-dan astam uıymdasqan qylmystyq top músheleri ustalǵanyn jazyp edik.

Sonymen qatar, Ózbekstan prezıdenti Shavkat Mırzıeev rýhanııat jáne aǵartý máseleleri jónindegi respýblıkalyq keńeste qylmys áleminiń serkelerin ustaý sharasyna qatysty pikir bildirgen bolatyn.