Ózbekstanda týý kórsetkishi tómendedi

TAShKENT. KAZINFORM – Jyl basynan beri Ózbekstanda týý kórsetkishi 3 paıyzǵa tómendedi, dep habarlaıdy Kazinform agenttiginiń menshikti tilshisi.

Ulttyq statıstıka komıtetiniń málimetine saı, bıyl qańtar-sáýir aılary aralyǵynda respýblıka boıynsha 266 478 náreste dúnıege kelgen. 136 myńnan astam sábı - qalalarda, al 130,4 myńy aýyldarda týǵan.

Bul 2024 jyldyń sáıkes kezeńimen salystyrǵanda 8 myńǵa az. Byltyr qańtar-sáýir aralǵynda Ózbekstanda 274,5 myń náreste dúnıe esigin ashqan.

Toqtala keteıik, Ulttyq statıstıka komıtetiniń 21 mamyrdaǵy málimetinshe, Ózbekstan halqynyń sany 37 mln 775 myń 810 adam.

Qosa ketsek, BUU-nyń boljamyna sáıkes, 2030 jylǵa qaraı Ózbekstan halqynyń sany 40 mıllıonǵa, al 2100 jylǵa qaraı 74,2 mıllıon adamǵa jetýi yqtımal.