Ózbekstanda sheteldikterge úı alý úshin salyq jeńildikteri beriledi

ASTANA. KAZINFORM — Ózbekstanda 2026 jyldyń 1 qańtarynan bastap shetel azamattary úshin jańa salyq rejımi engiziledi, dep habarlaıdy podrobno.uz.

Jańa tártip boıynsha, shetelden tabys alatyn jáne belgili bir sharttardy oryndap júrgen sheteldik azamattar jeke tabys salyǵynan bosatylady.

Prezıdent Shavkat Mırzıeev tıisti jarlyqqa qol qoıdy. Oǵan sáıkes sheteldikter jylyna keminde 30 kún elde bolyp, turǵyn úıge ıelik etken nemese jalǵa alǵan jaǵdaıda Ózbekstannyń salyq rezıdenti mártebesin ala alady.

Bul mártebeni alý úshin 50 myń AQSh dollary kóleminde arnaıy alym tólep, ýákiletti kommertsııalyq bankterdiń birinde shot nemese resmı krıpto bırjasynda krıpto ámııan ashý qajet. 

Salyq rezıdenti mártebesin alǵan sheteldikter Ózbekstannan tys jerde tapqan tabysyna salyq tóleýden bosatylady.

Budan buryn Ózbekstannyń syrtqy qaryzy 72 mlrd dollardan asqany anyqtaldy.