Ózbekstanda salynatyn AES-tiń ıadrolyq otyny Qazaqstan arqyly tasymaldanady
TAShKENT. KAZINFORM – Ózbekstanda boı kóteretin az qýatty AES-ke qajetti ıadrolyq otyn Qazaqstan aýmaǵy arqyly tasymaldanady. Bul týraly Kazinform agenttiginiń menshikti tilshisine suhbat bergen Uzatom agenttiginiń Atom elektr stantsııasy qurylysy dırektsııasynyń dırektory Otabek Amanov málim etti.
– Ózderińiz biletindeı, Ózbekstanda 1959 jyldan beri zertteý maqsatynda qoldanylyp kele jatqan ıadrolyq rekator bar. Ol Ulyqbek aýylynda ornalasqan. Tıisinshe, oǵan jyl saıyn ıadrolyq otyn ákelinedi. Atap aıtqanda, Ózbekstanǵa otyn eki jolmen jetkiziledi: biri – ushaqpen, ekinshisi poıyzben. Bul eki marshrýt ta Qazaqstan aýmaǵy arqyly ótedi. Bul rette biz Qazaqstan úkimetimen logıstıka boıynsha ózara is-qımyl júrgizip kelemiz. Sondyqtan Ózbekstanda salynatyn atom elektr stantsııasyna qajetti ıadrolyq otyn jetkizýde Qazaqstan tarapymen yntymaqtastyqty jalǵastyramyz degen nıettemiz, - dedi Otabek Amanov «Sputnik Ózbekstan» baspasóz ortalyǵynda ótken basqosý aıasynda Kazinform tilshisiniń saýalyna jaýap bere otyryp.
Spıker Ózbekstan AES-ke óziniń aýmaǵynda óndiriletin ýrandy paıdalanýdy josparlap otyrǵanyn atap ótti. Aldyn ala esepteýlerge sáıkes, bul ıadrolyq otyn qunyn 30%-ǵa arzandatady. ıAǵnı, resmı Tashkent shıki ýrandy Máskeýge jóneltedi, keıin daıyn ónim Qazaqstan aýmaǵy arqyly Ózbekstanǵa qaıta jetkiziledi.
– ıAdrolyq otyndy tasymaldaý boıynsha Qazaqstan úkimetimen másele bolmaıdy dep oılaımyn. Óıtkeni, bizde buǵan deıin qalyptasqan marshrýttar men tájirıbe bar. Ol aldaǵy jumystarǵa negiz bolady, - dep túıindedi Otabek Amanov.
Eske salaıyq, taıaýda Kazinform agenttigine suhbat bergen Uzatom agenttiginiń dırektory Azım Ahmedhadjaev alǵashqy ýaqytta Ózbekstan ıadrolyq otyn qaldyǵyn salynatyn AES-tiń aýmaǵynda saqtaıtynyn málim etti. Sondaı-aq, ol energetıkalyq nysannyń quny 2 mlrd dollardan aspaıtynyn aıtty.
Aıta keteıik, Ózbekstanda reseılik tehnologııa boıynsha óńirdegi alǵashqy az qýatty atom elektr stantsııasy salynady. Árqaısysynyń qýaty 55 MVt bolatyn 6 reaktor (jalpy qýaty – 330 MVt) Djızak oblysyndaǵy Týzkan kólinde boı kóteredi. AES-tiń alǵashqy reaktory 2029 jyldyń sońynda iske qosylmaq. Al ol tolyq qýatta 2033 jyldan bastap jumys isteıdi dep josparlanǵan.
Osyǵan saı, Ózbekstan men Reseı AES salý kelisimshartynyń kúshine ený hattamasyna qol qoıdy.
Sonymen qatar, AES salý úshin halyqaralyq konsortsıým qurylady.