Ózbekstanda myń jyldyq tarıhy bar Damask qylyshtary tabyldy

TAShKENT. QazAqparat - Ózbekstannyń Namanǵan oblysynda arheologter XI ǵasyrǵa jatatyn tarıhı jádigerlerdi anyqtady, dep habarlaıdy QazAqparat tilshisi.

Ózbekstannyń Mádenı mura agenttiginiń habarlaýynsha, Namanǵan oblysyndaǵy Aqsıkent eski qala orny aýmaǵynan sırek tıyndar, Qarahan dáýiriniń kóne qabyrǵa sýretteri jáne myńjyldyq Damask qylyshtary tabylǵan.
Qazirgi kezde murajaı qorynda saqtalǵan qabyrǵa sýretteri men qysh ydystardy qalpyna keltirý jumystarymen arnaıy mamandar toby aınalysýda.

«Myń jyl burynǵy ataqty qylyshtardyń tabylǵanyna jáne olardyń otany Aqsıkent ekenine tań qalýdan sharshamaımyz. Qytaı derekterinde Aqsıkent qalasynyń qaqpasy altynnan salynǵan dep jazylǵan. Jergilikti halyq arasynda bul qaqpa Syrdarııa ózeniniń túbinde turyp qalǵan degen ańyz bar. Bul, árıne, tarıhı derekterge negizdelgen», - deıdi mamandar.

Aqsıkent — Syrdarııanyń oń jaǵalaýynda, qazirgi Ózbekstannyń Namanǵan oblysy aýmaǵyndaǵy eldi meken. ІІІ – ІІ ǵasyrlarda negizi qalanǵan Aqsıkent 9 – 10 ǵasyrlarda Ferǵana alqabynyń astanasy jáne Ortalyq Azııadaǵy bolat óndiretin ortalyqtardyń biri boldy. Qala 1620 jyly jer silkinisinen tolyǵymen qıraǵan.

Foto: madaniymeros.uz