Ózbekstanda muǵalim mártebesi týraly zań kúshine endi

ASTANA. KAZINFORM – Ózbekstan prezıdenti Shavkat Mırzıeev «Pedagog mártebesi týraly» zańǵa qol qoıdy, dep habarlaıdy Ózbekstan Respýblıkasynyń Ádilet mınıstrligi.

Qujat muǵalimderdiń quqyqtaryn, mindetterin, qyzmetiniń negizgi kepildikterin, olardyń eńbegine sáıkes eńbekaqy tóleýdi, yntalandyrý men áleýmettik qorǵaý qaǵıdattaryn belgileıdi.

Sondaı-aq, onda pedagogıkalyq ádep erejeleri, kadrlardy daıarlaý, qaıta daıarlaý, biliktiligin arttyrý jáne muǵalimderdi attestatsııalaý standarttary kórsetilgen.

Zańda muǵalimderge qatysty birqatar tyıymdar da belgilengen. Atap ótkende, muǵalimderdi negizgi jumysyna qatysy joq qyzmetke tartýǵa jáne olardyń kásibı qyzmetine kedergi keltirýge tyıym salynady.

Ózbekstanda 10 myńnan astam jalpy bilim beretin oqý orny bar, onda 700 myńǵa jýyq muǵalim jumys isteıdi.