Ózbekstanda «qyzyl» sanatqa jatatyn mektepterdiń sany azaıdy

Ózbekstanda «qyzyl» sanatqa engen mektepter sany 1 526-dan 404-ke qysqartyldy, dep habarlaıdy Kazinform uza.uz-ge silteme jasap. 

Mektepke deıingi jáne mektep bilim mınıstrliginiń habarlaýynsha, 2023 jyly ınvestıtsııa jáne basqa da qosymsha baǵdarlamalar aıasynda 563 mekteptiń qurylysy men jóndeý jumystary júrgizilip, 120 myńǵa jýyq jańa oqý orny ashyldy. 115 myńǵa jýyq oryndyq oqý ǵımarattary tolyq jóndeýden ótti.

11 synyptyń 12 myńǵa jýyq túlegi altyn belgimen, 2 myńnan astamy kúmis medalmen marapattaldy.

Bastaýysh synyptarǵa arnalǵan 500-ge jýyq ataýdaǵy oqýlyqtar jáne basqa synyptar úshin Kembrıdj, Klett, Dıder halyqaralyq baspalarynyń jergiliktendirilgen 88 ataýly oqýlyǵy engizildi. Oqýshylar úshin 63 mıllıon danadan astam oqýlyqtar shyǵaryldy.

Mektep oqýshylary eń bedeldi 5 halyqaralyq ǵylym olımpıadasynda jalpy 13 medal, basqa da halyqaralyq olımpıadalarda 52 medal jeńip aldy.

Inklıýzıvti bilim berý engizilgen mektepterdiń sany 415-ke, ondaǵy oqýshylar sany 736-ǵa deıin ósti. Jetim jáne ata-anasynyń qamqorlyǵynsyz qalǵan 153 bala turǵyn úımen qamtamasyz etildi.

Mektep bitirýshilerdiń JOO kirýde ortasha baly 77,1 baldy qurady, memlekettik granttyq oryndardyń 77 paıyzy bıylǵy mektep túlekteriniń úlesine týra kelgen.