Ózbekstanda energetıkalyq sýsyndarǵa aktsızdik salyq engiziledi

Ózbekstanda 1 sáýirden bastap quramynda qanty bar energetıkalyq jáne gazdalǵan sýsyndarǵa aktsızdik salyq engiziledi. Bul Ózbekstannyń salyq jáne bıýdjet saıasatynyń negizgi baǵyttaryn retteıtin 28 jeltoqsandaǵy zańmen qarastyrylǵan, dep habarlaıdy Kazinform.

Salyq zańnamasyndaǵy túzetýlerge sáıkes, energetıkalyq jáne sergitetin sýsyndarǵa lıtrine 2 000 sým (74 teńge) kóleminde aktsızdik salyq engiziledi. 

Quramynda qant nemese basqa da táttilendirgish nemese dám men hosh ıis beretin, tutynýshylyq qappen qaptalǵan gazdalǵan sýsyndarǵa lıtrine 500 sým (18,5 teńge) kóleminde aktsızdik salyq engiziledi.

Osy máseleni talqylaǵanda Ózbekstan Densaýlyq saqtaý mınıstrligi ókilderi aýrýlar, onyń ishinde dıabettiń artyp ketýi múmkin ekenine baılanysty aktsız engizý josparlanyp otyrǵanyn aıtqan bolatyn. Aktsızden jınalǵan qarjy Medıtsınany damytý qoryna aýdarylady. 

2018 jyl sońynda Ózbekstanda 18 jasqa tolmaǵan tulǵalarǵa energetıkalyq sýsyndardy satýǵa jáne olardy jarnamalaýǵa shekteý qoıatyn zań qabyldandy.