Ózbekstanda birqatar áleýmettik jeli qyzmetine shekteý qoıyldy

TAShKENT. ÓzA – QazAqparat - Ózbekstan Respýblıkasy azamattarynyń jeke derekterin zańsyz óńdeıtin áleýmettik jelilerdi paıdalanýǵa shekteý qoıyldy, dep habarlady QazAqparat ÓzA silteme jasap.

ÓzA agenttigi «Ýzkomnazorat» Ózbekstan Respýblıkasynyń Aqparattandyrý jáne telekommýnıkatsııa salasyndaǵy baqylaý boıynsha memlekettik ıspektsııasyna silteme jasaǵan.

«Ózbekstan Respýblıkasy «Derbes derekter týraly» Zańynyń 271-babyna qaıshy túrde Ózbekstan Respýblıkasy azamattarynyń jeke derekterin óńdeýge baılanysty keıbir áleýmettik jeliler 2021 jyldyń 2 shildesinen bastap «Jeke derekterdi buzýshylar tizilimine» engizildi jáne Internet jelisinde osy resýrstan ÓR aýmaǵynda paıdalaný tıisti tártipte, anyqtalǵan kemshilikter joıylmaıynsha onyń qyzmeti shekteldi», delingen resmı organ «Ýzkomnazorat» habarlamasynda .