Ózbekstanda alǵash ret TMD elderiniń lańkestikke qarsy oqý-jattyǵýlary ótedi
TAShKENT. KAZINFORM – Ózbekstanda bıyl alǵash ret TMD elderiniń lańkestikke qarsy birlesken oqý-jattyǵýlary ótedi. Bul týraly sársenbide Máskeýde ótken TMD-ǵa qatysýshy memleketterdiń terrorızmge qarsy ulttyq ortalyqtary basshylarynyń (shtab bastyqtarynyń) 17-shi keńesiniń qorytyndysy boıynsha TMD Terrorızmge qarsy ortalyǵynyń (TQO) baspasóz qyzmeti habarlady, dep jazady Trend.
«Delegattar lańkestikke qarsy oqý-jattyǵýlar terrorızmge qarsy júıeniń tıimdiligin arttyrýdyń jáne birlesken is-sharalardyń úılesimdiligin damytýdyń mańyzdy elementi bolyp tabylatynyn atap ótti. Osyǵan baılanysty terrorızmge qarsy kúresti uıymdastyrý jáne júrgizý máselesi qaraldy. Bıylǵy jyly Ózbekstan Respýblıkasynyń aýmaǵynda alǵash ret ótetin TMD-ǵa múshe memleketterdiń quzyrly organdarynyń «Shyǵys-antıterror – 2024» oqý-jattyǵýlary ótedi» dep habarlaıdy TQO.
