Ózbekstanda alǵash ret beınekapsýlalyq endoskopııa engizildi
TAShKENT. KAZINFORM - Respýblıkalyq pedıatrııa ortalyǵynda Ózbekstanda alǵash ret beınekapsýlalyq endoskopııa engizildi, dep habarlaıdy Kazinform ÓR Densaýlyq mınıstrliginiń baspasóz qyzmetine silteme jasap
Zamanaýı beınekapsýlalyq endoskopııa arqyly balalardyń as qorytý músheleri men ishek aýrýlarynyń dıagnostıkasy týraly sala mamandaryn aqparattandyrý jáne tájirıbege engizý maqsatynda sheberlik synyby ótkizildi. Oǵan vedomstvonyń gastroenterologtary, endoskopııalyq dárigerleri, sondaı-aq Reseı Federatsııasynyń Sankt-Peterbýrg qalasynyń kópsalaly joǵary medıtsınalyq tehnologııalar ortalyǵynyń endoskopııa bóliminiń meńgerýshisi A.Kornılova qatysty.
Aıta ketý kerek, bul ınnovatsııalyq ádis balalarda jıi kezdesetin asqazan-ishek aýrýlaryn erte jáne tıimdi dıagnostıkalaýǵa múmkindik beredi.
Bul qurylǵy jińishke jáne toq ishektiń dıagnostıkasyn ońaı, yńǵaıly jáne aýyrtpalyqsyz anyqtaý úshin sandyq tehnologııa men mıkroelektronıkanyń sońǵy jetistikterin biriktiredi. Sonymen qatar ishekterdegi patologııalardy sapaly sýretke túsirý arqyly olardy onlaın rejımde dárigerlerge kórsetedi. Sonymen qatar ol naýqas balalardy fýnktsıonaldy dıagnostıkalaý salasynda qolaıly ádisterdiń biri bolyp sanalady jáne yńǵaıly.
Atap aıtqanda, ol naýqas úshin aýyrtpalyqsyz jáne jasandy anestezııany qajet etpeıdi. Tekserý kezinde aǵzaǵa zııan keltirmeıdi. Ol bir rettik jáne sterıldi, naýqastyń denesine syrttan ınfektsııa túsý qaýpin boldyrmaıdy. Tekserý kezinde naýqas erkin qozǵala alady, uıaly baılanysty paıdalana alady. Ol asqazan-ishek jolynda jasyryn qan ketýdiń sebepterin ash ishek rentgenografııasymen salystyrǵanda 70% dáldikpen kórsetedi.
Sondaı-aq bul qurylǵynyń ólshemi 5 mm-dan az bolmaǵan ishek polıpterin anyqtaýda joǵary dıagnostıkalyq tıimdilikke ıe bolyp, patsıentter arasynda tselıak aýrýyn erte anyqtaýdyń «altyn standarty» bolyp sanalady.
Beınekapsýlalyq endoskopııany qashyqtan óshirýge, alynǵan nátıjelerdi taldaý úshin tek qajetti keskinderdi bólek qaraýǵa bolady.
Onyń kompıýterge symsyz qosylýǵa bolatyn qosymsha portatıvti qalta kompıýteri bar. Al sensory bar yńǵaıly gıletkany paıdalaný búkil júıemen jumys isteýdi jeńildetedi.
Bul qurylǵy tselıak aýrýyn, shyǵý tegi belgisiz anemııany nemese asqazan-ishekten qan ketýdi, kron aýrýyn, spetsıfıkalyq emes oıyq jaraly kolıt, enterıt, titirkengen ishek sındromy, jińishke ishektiń qatersiz (polıp) jáne qaterli isikteri, onyń ishinde GIST jáne neıroendokrındik isikter, ishtiń túsiniksiz aýyrýy jáne uzaqqa sozylǵan dıareıa men salmaq joǵaltý dıagnostıkasynda qoldanylady.
Eske sala keteıik, Japonııa Tashkentte nevrologııa jáne ınsýlt ortalyǵyn salýǵa qarjy bóledi.