Ózbekstanda 30 mıllıonǵa jýyq adam halyq sanaǵynan ótti
TAShKENT. KAZINFORM — Ózbekstanda júrgizilip jatqan halyq sanaǵynyń alǵashqy kezeńinde 30 mıllıonǵa jýyq adam tirkeýden ótti, dep habarlaıdy Kazinform agenttiginiń menshikti tilshisi.
Halyq sanaǵynyń birinshi kezeńi 15-31 qańtar aralyǵynda júrgizildi. Bul protsess eki ádis arqyly júzege asady: biri — derekterdi onlaın jınaqtaý, ekinshisi — úı aralaý.
17 kúnge jalǵasqan onlaın formattaǵy sanaq barysynda 29,9 mıllıonnan astam adam men respýblıkadaǵy barlyq úı sharýashylyqtarynyń 82%-y esepke alyndy.
Endi 4-28 aqpan aralyǵynda sanaqtyń ekinshi kezeńi júrgiziledi. Bul jaǵdaıda statıstıka organdarynyń qyzmetkerleri úı aralap, tirkeýden ótpegen turǵyndar týraly derekterdi bazaǵa engizedi.
Sanaq nátıjesinde 38 mln halyqtyń quramy, turǵyndardyń otbasylyq jaǵdaıy, qyzmeti men tabys kózderi týraly biryńǵaı derekter bazasy qurylady.
Eske salaıyq, Ózbekstanda halyq sanaǵy 1989 jyldan beri júrgizilmegen. Pandemııaǵa baılanysty ol 2022 jyldan 2023 jyldyń qarashasyna aýystyryldy, keıin 2026-2027 jyldarǵa shegerildi.
Ulttyq statıstıka komıtetiniń 2 aqpandaǵy málimetine saı, Ózbekstandaǵy turaqty halyq sany 38 292 377 adam.
Sondaı-aq, búgin Qazaqstan halqynyń sany boıynsha jańartylǵan derekter jarııalandy.