Ózbekstan ıÝNESKO-nyń Jasandy ıntellekt mektebin ashýdy usyndy
TAShKENT. KAZINFORM – Ózbekstan prezıdenti Shavkat Mırzıeev ıÝNESKO-ǵa qarasty Jasandy ıntellekt mektebin ashýdy usyndy, dep habarlaıdy Kazinform agenttiginiń menshikti tilshisi.
- Bizdiń basty mindetimiz - aqparattyq tehnologııalardy jetik meńgergen jáne kreatıvti oılaıtyn jańa býyndy tárbıeleý. Elimizdegi bilim berý júıesine jasandy ıntellektini keńinen engizý maqsatynda biz ıÝNESKO-nyń qatysýymen «Jasandy ıntellekt mektebi» pılottyq jobasyn júzege asyrýǵa daıynbyz, - dedi ıÝNESKO Bas konferentsııasynyń 43-shi sessııasynda sóz sóılegen Shavkat Mırzıeev.
Buǵan qosa, Ózbekstan prezıdenti uıymmen yntymaqtastyqty nyǵaıta túsý qajet ekenin atap ótti. Onyń paıymynsha, materıaldyq emes mádenı muralardy saqtaý isine asa kóńil bólgen oryndy.
- Biz ıÝNESKO-ǵa qarasty Halyqaralyq tsıfrlyq mura ınstıtýtyn qurýdy usynamyz. Tıisinshe, 2027 jyly Buharada atalǵan baǵyttaǵy ózara is-qımyldy pysyqtaýǵa arnalǵan Halyqaralyq kongresti uıymdastyrýǵa daıynbyz, - dep toqtaldy Sh.Mırzıeev.
Keıin Ózbekstan prezıdenti jahandyq jylyný, muzdyqtardyń erýi, shóleıttený jáne topyraq erozııasy máselelerine nazar aýdardy.
- Klımattyń ózgerýi mádenı mura obektileriniń jaǵdaıyna teris áser etedi. Ekologııany jaqsartýǵa bet alǵan jáne aıtarlyqtaı nátıjege qol jetkizgen qalalarǵa erekshe mártebe berý kerek. Sondyqtan biz «ıÝNESKO-nyń Ekologııalyq astanasy» jahandyq bastamasyn usynamyz. Sonymen qatar, biz jahandaný jáne klımattyń ózgerýi jaǵdaıynda mádenı murany qorǵaýdy kúsheıtý sharalary týraly qarar ázirleýdi qoldaımyz, - dep túıindedi Ózbekstan prezıdenti.
Buǵan deıin habarlaǵanymyzdaı, Samarqandta ıÝNESKO Bas konferentsııasynyń 43-shi sessııasy ótip jatyr. Ózbekstan basshysy Shavkat Mırzıeev, Serbııa prezıdenti Aleksandr Výchıch, Slovakııa prezıdenti Pıter Pellegrını qatysyp jatyr.
Atalǵan is-sharany Samarqandta uıymdastyrý sheshimi 2023 jyly Parıjde qabyldanǵan bolatyn. 40 jyldan astam ýaqyt ishinde alǵash ret ıÝNESKO Bas konferentsııasynyń sessııasy Frantsııadan tys jerde ótpek.