Ózbekstan úkimeti esirtki qylmysyna qarsy kúresti kúsheıtedi
TAShKENT. KAZINFORM — Ózbekstan bıligi esirtki qylmystaryna qarsy kúrestiń 2025-2026 jyldarǵa arnalǵan ulttyq baǵdarlamasyn qabyldady, dep habarlaıdy Kazinform agenttiginiń menshikti tilshisi.
Ózbekstan basshysynyń tóraǵalyǵymen ótken keńeste málim bolǵandaı, jyl basynan beri respýblıkada 11 myńnan astam esirtki qylmysy anyqtalǵan. Sondaı-aq, 10 aıdyń ishinde 2,5 myń tonnaǵa jýyq esirtki tárkilendi.
— Sondyqtan ulttyq zańnamaǵa mundaı qaýip-qaterlerdiń aldyn alýǵa, olarmen qatań kúresýge baǵyttalǵan normalardy engizetin ýaqyt keldi, — dedi Shavkat Mırzıeev.
Keńeste kórshiles el prezıdenti jýapty vedomstvo jetekshilerine zańsyz esirtki aınalymyn shekteý, jazany qatańdatý, zerthanalardyń jumysyna járdemdesetin laýazymdy tulǵalardy anyqtaýdy tapsyrdy.
Jıyn qorytyndysy boıynsha esirtki qylmystaryna qarsy kúrestiń 2025-2026 jyldarǵa arnalǵan ulttyq baǵdarlamasy maquldandy.
Buǵan deıin habarlaǵanymyzdaı, ózbekstandyqtar alaıaqtar rásimdegen nesıelerdi tóleýden bosatylmaq.
Qosa ketsek, taıaýda Qazaqstanda esirtkiniń zańsyz aınalymyna tartylǵan 60-tan astam kámeletke tolmaǵan jasóspirim ustaldy.