Ózbekstan Ýgandamen dıplomatııalyq qarym-qatynas ornatty
TAShKENT. KAZINFORM – Ózbekstan men Ýganda arasynda dıplomatııalyq qarym-qatynas ornady, dep habarlaıdy Kazinform agenttiginiń menshikti tilshisi.
18 qańtarda Ýgandanyń astanasy Kampala qalasynda Ózbekstan Syrtqy ister mınıstriniń birinshi orynbasary Bahromjon Aloev pen Ýganda Syrtqy ister mınıstri Djedje Odongo dıplomatııalyq qarym-qatynas ornatý týraly birlesken kommıýnıkege qol qoıdy.
Ózbekstannyń Syrtqy ister mınıstrliginen málimdegendeı, kezdesý barysynda taraptar saıası, saýda-ekonomıkalyq, mádenı-gýmanıtarlyq jáne basqa da salalarda ózara tyǵyz yntymaqtastyq ornatýǵa daıyn ekendikterin bildirdi.
Osylaısha, Ýganda Ózbekstanmen dıplomatııalyq qarym-qatynas ornatqan 145-shi el boldy.
Eske sala keteıik, buǵan deıin Ózbekstan Trınıdad jáne Tobagomen osyndaı kelisimge kelip, birlesken kommıýnıkege qol qoıǵan edi.