Ózbekstan shetel azamattary úshin vızasyz rejım engizedi

ASTANA. QazAqparat - Ózbekstan birqatar eldiń azamattaryna vızasyz rejım engizbek, dep habarlaıdy QazAqparat Habar.ýz ınternet basylymyna silteme jasap. 

Ózbekstan prezıdenti Shavkat Mırzıeev 10 aqpannan bastap Túrkııa, Indonezııa, Ońtústik Koreıa, Malaızııa, Sıngapýr, Japonııa jáne Izraıl azamattaryna 30 kúndik vızasyz rejım engizý týraly jarlyqqa qol qoıdy.

Rejım elge turaqty reıs jasaıtyn áýe kompanııalary ushaqtarynyń ekıpajyna da qoldanylady.

Budan tys, jarlyq 39 eldiń azamattaryna týrıstik vıze alý tártibin jeńildetýdi kózdeıdi. Olardyń vızasy qujattar qabyldanǵan kúndi eseptemegende, eki kún ishinde daıyn bolýy tıis.