Ózbekstan men Iran ózara taýar aınalymyn 2 mlrd dollarǵa jetkizbek
TAShKENT. KAZINFORM – Ózbekstannyń premer-mınıstri Abdýlla Arıpov bastaǵan úkimet delegatsııasy Iranda resmı saparmen bolyp, mańyzdy máselelerdi sheshý boıynsha kelissóz júrgizdi, dep habarlaıdy Kazinform agenttiginiń menshikti tilshisi.
Tegeranda Irannyń birinshi vıtse-prezıdenti Mohammad Reza Aref pen Abdýlla Arıpov arasynda ótken kezdesýde qos eldiń keleshek yntymaqtastyǵy talqylandy.
Atap aıtqanda, taraptar ózara taýar aınalymyn 2 mlrd dollarǵa jetkizý múmkindigin zerdeledi. Ol úshin Ózbekstan men Iran kólik-logıstıka salasynda burynnan túıini tarqamaı kele jatqan túıtkilderdi sheshýge erekshe mán berip, kúsh biriktirýge ýaǵdalasty.
Aıta keteıik, byltyr eki el arasyndaǵy saýda-sattyq kólemi 500 mln dollarǵa jetti. Sonymen birge búginde 200-den astam birlesken kásiporyn jumys istep tur.
Buǵan deıin habarlaǵanymyzdaı, AQSh Iranǵa qarsy qosymsha sanktsııa engizdi. Sondaı-aq, Omanda resmı Tegeran men Vashıngton arasyndaǵy ıadrolyq kelissóz qaıta bastaldy.