Ózbekstan mektepterinde jasandy ıntellekt páni engiziledi

TAShKENT. KAZINFORM – 2026 jyldan bastap ózbekstandyq oqýshylarǵa jasandy ıntellekt negizderin oqytý josparlanyp otyr. Bul týraly Ózbekstan prezıdentiniń tóraǵalyǵymen ótken keńeste málim boldy, dep habarlaıdy Kazinform agenttiginiń menshikti tilshisi. 

Jıyn barysynda Shavkat Mırzıeev balalarǵa mektep jasynan bastap aqparattyq tehnologııalardy úıretýdiń mańyzyna toqtaldy. Atap aıtqanda, ol jaýapty vedomstvo basshylaryna kelesi jyly 2 000 synypty kompıýtermen jabdyqtap, 6 300 ınteraktıvti taqta ornatý boıynsha tapsyrma berdi. 

Munymen birge, daryndy oqýshylardy qoldaý maqsatynda óńirlerde mamandandyrylǵan mektepterdiń fılıaldary ashylady. Olarda aqparattyq tehnologııalar, ınjenerlik baǵyt jáne jaratylystaný ǵylymdary boıynsha bilim berilmek. 

Buǵan deıin habarlaǵanymyzdaı, Ózbekstan úkimeti jemqorlyqpen kúres úshin memlekettik satyp alý júıesine jasandy ıntellektini engizýdi josparlap otyr.

Qosa ketsek, bıylǵy oqý jylynda Beıjiń mektepterinde jasandy ıntellekt páni engizildi.