Ózbekstan Koreıadan 6 júrdek elektr poıyzyn satyp alady
TAShKENT. KAZINFORM – Ózbekstan temir joldary úshin Koreıanyń Eksım bankiniń qatysýymen 6 júrdek elektr poıyzy satyp alynady. Bul týraly 12 tamyzda prezıdent Shavkat Mırzıeev sheshim qabyldady.
2024 jyldyń 14 maýsymynda Koreıa Respýblıkasynyń «Hyundai Rotem» kompanııasymen kelisimge qol qoıylǵany atap ótildi. Sheshim boıynsha jobanyń jalpy quny 220,03 mıllıon eýroǵa teń, jobany júzege asyrý merzimi 6 jyl.
Bul joba arqyly jolaýshylar tasymalyn jylyna 1,3 mıllıon adamǵa deıin ulǵaıtyp, qosymsha 300-den astam jumys ornyn ashý josparlanýda. Jobanyń ózin-ózi aqtaý merzimi shamamen 25,1 jyl.
Koreıa Eksımbankiniń qaryzdaryn maqsatty jáne tıimdi paıdalanýǵa jaýapty atqarýshy organdar «Ýzbekıston temırıýlları» AQ jáne onyń quramyna kiretin «Temırıýlekspress» AQ bolyp tabylady.
Aıta keteıik, Nókis qalasynan Mańǵystaý oblysyna poıyz qatynaıtyn boldy.
