Ózbekstan halqynyń sany 37 mıllıonnan asty

TAShKENT. KAZINFORM – 22 sáýirdegi málimetke sáıkes, Ózbekstan halqynyń sany 37 000 991 adamǵa jetti, dep habarlaıdy Kazinform agenttiginiń Tashkenttegi menshikti tilshisi Álıhan Asqar.

Ózbekstan Satatıstıka agenttiginiń dereginshe, onyń ishinde 18,6 mln - erler, 18,3 mln - áıelder.

Eske salaıyq, osydan 22 kún buryn respýblıkadaǵy turaqty turǵyndardyń sany 36 963 262 adam bolǵan edi.

Qosa ketsek, Ózbekstanda halyq sanaǵyn ótkizý 2025-2026 jyldarǵa josparlanǵan. Aldyn ala esepke saı, oǵan 800 mlrd sým ($63,4 mln) qajet.

Boljamǵa sáıkes, 2030 jyly Ózbekstan halqynyń sany 40 mıllıonnan asady. Al 2040 jyly bul kórsetkish - 46 mln, 2050 jyly 50 mln-ǵa jetedi dep kútilýde.