Ózbekstan halqynyń sany 36,8 mıllıonǵa jýyqtady

Bir jylda Ózbekstannyń halyq sany 2,2 paıyzǵa ósip, 36,7 mıllıonnan asty, dep habarlaıdy Kazinform agenttiginiń menshikti tilshisi. 

«2024 jyldyń 1 qańtaryndaǵy jaǵdaı boıynsha Ózbekstandaǵy turaqty halyq sany - 36 799 756 adam (2023 jyldyń 1 qańtarynda 36 024 946 adam). Ótken jyldyń sáıkes kezeńimen salystyrǵanda ósim - 2,2%», - dep málim etti Ózbekstannyń statıstıka agenttigi.

Málim bolǵandaı, 2023 jyldyń basynan beri halyq sany 774,8 myń adamǵa kóbeıgen. Aı saıynǵy ortasha ósim 64,6 myń adam bolsa, al kúndelikti ósim 2,1 myń adam.

Buǵan deıin habarlaǵanymyzdaı, byltyr Ózbekstanda 968 140 sábı dúnıege keldi.

Eske sala keteıik, demografııalyq boljamǵa saı, 2030 jylǵa qaraı Ózbekstan halqynyń sany 41 mıllıonnan asýy múmkin.