Ózbekstan aýǵan shekarasyndaǵy jaǵdaı turaqtanǵanyn habarlady

TAShKENT. QazAqparat – 15 tamyz tańerteńgilik jaǵdaı boıynsha ózbek-aýǵan shekarasyndaǵy jaǵdaı turaqtaldy, dep habarlaıdy QazAqparat menshikti tilshisi Ózbekstannyń syrtqy saıası vedomstvosyna silteme jasap.

«2021 jyldyń 15 tamyzy saǵat 10:00-degi jaǵdaı boıynsha «Termez-Haıraton» kópirindegi jaǵdaı birqalypty. Atap aıtqanda, kópirdiń aýǵan bóliginde jınalǵan Aýǵanstan azamattarynyń basym bóligi kópirden ketti. Bul belsendi júrgizilgen saıası-dıplomatıkalyq sharalardyń, túsindirý jumystarynyń nátıjesi», - dep habarlady Ózbekstan SІM.

Eske salaıyq, keshe Aýǵanstan Qarýly kúshteriniń 84 áskerı qyzmetshisi memlekettik shekarany kesip ótip, ustalǵan edi. Shekara buzýshylar qarsylyq tanytpaǵan, jaraqat alǵan úsh adamǵa medıtsınalyq kómek kórsetýdi suraǵan.

Eske salsaq, buǵan deıin 84 aýǵan áskerıleri Ózbekstannyń memlekettik shekarasyn kesip ótkeni týraly habarlaǵan bolatynbyz.