Ózbekstan ártisiniń Reseıdegi kontsertinen keıin birneshe adam tutqyndaldy

ASTANA. KAZINFORM - Krasnoıarsk ólkesindegi ózbek ánshisiniń kontserti kezinde reıd júrgizilip, artynsha birneshe adam tutqynǵa alyndy, dep habarlaıdy Ózbekstannyń Novosibirdegi bas konsýldyǵy.

Oqıǵa 22 qyrkúıek kúni Krasnoıarsk ólkesiniń Solontsy aýylyndaǵy banket zalynda bolǵan.

Reıd sheteldik azamattardyń Reseıdiń mıgratsııalyq zańnamasyn buzýy, sondaı-aq zańsyz esirtki aınalymy faktilerin anyqtaý maqsatynda uıymdastyryldy.

Tergeý barysynda Reseı Federatsııasynda bolý erejelerin buzǵan Ózbekstan Respýblıkasynyń segiz azamaty anyqtaldy. Olardyń tórteýine aıyppul salynsa, taǵy tórt sheteldik azamat elden shyǵarylyp, Krasnoıar ólkesindegi ýaqytsha ustaý ızolıatoryna qamaldy.

Ózbekstan Respýblıkasynyń Novosibirdegi Bas konsýldyǵy atalǵan tulǵalardyń Krasnoıarsk ólkesindegi tıisti uıymdarmen jáne mekemelermen resmı túrde kelisilmegen ózbek estrada ártisi kontserti úshin ǵımaratta bolǵanyn, bul oqıǵaǵa sebep bolǵanyn túsindirdi.

Sonymen qatar, shara arnaıy jabdyqtalmaǵan ǵımaratta ótti.

Dıplomatııalyq ókildik Krasnoıar ólkesinde quqyq qorǵaý organdarynyń mundaı reıdteriniń zańdy negizi bolýy jáne mádenı is-sharalarǵa kedergi bolmaýy kerek dep esepteıdi. Konsýldyq ókilderi Krasnoıar ólkesiniń quqyq qorǵaý organdaryna barlyq qajetti qujattar daıyndalǵanyn málimdedi.

11 qyrkúıekten bastap Reseıden zańsyz mıgranttardy deportatsııalaý bastalǵany buǵan deıin habarlanǵan bolatyn.